Happy - uppskrift

Peysan er prjónuð ofan frá og niður með laskaermum. Prjónað er með þremur þráðum og hægt að leika sér með litasamsetninguna og blanda litunum saman á mismunandi hátt, eða hafa hana einlita. Aðallitir eru þrír og einn litur að auki fær að fljóta með. Prjónaðir eru u.þ.b. 3 til 6 cm. af hverjum lit og má leika sér með þessa þrjá þræði og skipta að vild. Stundum er gaman að prjóna með einum þræði af hverjum liti eða blanda þremur litum saman. Mikil yfirvídd er í peysunni. 

Í stroffi eru allar sléttu lykkjurnar prjónaðar snúnar(slétt aftan í lykkju), en þannig verður stroffið jafnara.

Stærðir: XS (S) M (L) XL 

Mál:  105 (110) 120 (125) 135 cm

Prjónar: Hringprjónn 4,5 mm/40 og 80cm. 6 mm/40, 60 og 80 og eða 100 cm.

Prjónfesta:  14 L = 10 cm í sléttum prjóni á prjóna nr. 6 ( slétt á réttunni og brugðin á röngu). Mælt er með að gera prjónafestuprufu til að átta sig á réttri prjónastærð

Garn: Hipknit mohair. Þrír þræðir prjónaðir saman. Þrír litir notaðir. Einnig hægt að nota annað garn með sömu prjónfestu

Litur 1: 75 (100) 100 (100) 125 gr.

Litur 2: 75 (100) 100 (100) 125 gr.

Litur 3: 75 (100) 100 (100) 125 gr.

Einlit peysa þrír þræðir prjónaðir saman.

225 (300) 300 (300) 375 gr.

Þegar gengið hefur verið frá greiðslu, þá færðu tölvupóst með hlekk þar sem hægt er að sækja og vista uppskriftina.